ஆப்பிள் ஐபோன் X என்ற பெயரில் ஐபோன் 8 மொபைல் வரலாம்

செப்.,12ந் தேதி வெளியிடப்பட உள்ள ஆப்பிள் ஐபோன் 8 ஸ்மார்ட்போன் ஆப்பிள் ஐபோன் X என்ற பெயரில் விற்பனைக்கு வரலாம் என எதிர்பார்க்கப்படுகின்றது.

Ads

வரும் செப்., 12ந் தேதி விற்பனைக்கு வரும் என எதிர்பார்க்கப்படுகின்ற ஆப்பிள் ஐபோன் 8 என்ற பெயருக்கு மாற்றாக ஆப்பிள் ஐபோன் X என்ற பெயரிலே அழைக்கப்படலாம் என கூறப்படுகின்றது.

ஆப்பிள் ஐபோன் எக்ஸ்

இந்த வருடத்தின் மிகுந்த எதிர்பார்ப்புகளுக்கு உள்ளாகியுள்ள ஆப்பிள் ஐபோன் 8 மொபைல் ஆனது ஐபோன் X என்ற பெயரில் விற்பனைக்கு வெளியிடப்படலாம் என நெதர்லாந்து நாட்டின் iCulture இணையதளம் வெளியிட்டுள்ள தகவலில் தொலைத்தொர்பு நிறுவனத்தின் சார்பில் உறுதி செய்யப்பட்டுள்ளதாக கூறப்படுகின்றது.

கலிஃபோர்னியாவில் அமைந்துள்ள புதிய ஸ்டீவ ஜாப்ஸ் தியேட்டர் அரங்கில் வெளியிடப்பட உள்ள ஐபோன் 10வது ஆண்டுவிழா ஸ்மார்ட்போன் மீதான பல்வேறு தகவல்கள் தொடர்ந்து வெளிவரும் நிலையில் ரோமானிய எண் அடிப்பையிலான X என்பது 10 என்ற எண்ணாக உள்ளதால் ஐபோன் 8 என அழைக்கப்படாமல் ஐபோன் X என்ற விற்பனைக்கு வெளியிடப்படும் என குறிப்பிட்டுள்ளது.

ஐபோன் X அல்லது ஐபோன் 8 அல்லது ஐபோன் எடிசன் என பல்வேறு பெயர்கள் கூறப்பட்டு வரும் நிலையில் இந்த ஸ்மார்ட்போன் 5.8 அங்குல திரையுடன் 18:9 அகன்ற திரை கொண்டதாக OLED பீசல் இல்லாத வகையில் முகத்தினை கொண்டு திறக்கும் வகையிலான அன்லாக் அமைப்பினை கொண்டதாகவும் இருக்கும் என கூறப்படுகின்றது.

இதுதவிர,ஆப்பிள் ஐபோன் 8 மாடலில் 64GB, 256GB, மற்றும் அதிகபட்சமாக 512GB என மூன்று விதமான சேமிப்புபெற்ற வகைகளில் வெளியிடப்படலாம்.

காத்திருங்கள், செப்டம்பர் 12ந் தேதி வெளியிடப்பட உள்ள ஐபோன் எக்ஸ் மாடல் செப்டம்பர் 22ந் தேதி முதல் டெலிவரி தொடங்கப்படலாம்.

Comments

comments