பட்ஜெட் விலையில் நோக்கியா 2 ஸ்மார்ட்போன் அறிமுகம்

Ads

ஹெச்எம்டி குளோபல் நிறுவனம் நோக்கியா பிராண்டில் புதிய நோக்கியா 2 ஆண்ட்ராய்டு ஸ்மாரட்போன் மாடலை பட்ஜெட் விலையில் விற்பனைக்கு வெளியிட உள்ள நிலையில் அறிமுகம் செய்துள்ளது.

நோக்கியா 2 ஸ்மார்ட்போன்

இந்திய சந்தைக்கான விலை விபரம் வெளியிடப்பவில்லை,இருந்தபோதும் ஐரோப்பா சந்தை விலை யூரோ மதிப்பில் 99 (ரூ.7457) ஆகும். நவம்பர் மத்தியில் பல்வேறு நாடுகளில் விற்பனைக்கு வெளியிடப்பட உள்ளதால், இதே காலத்தில் இந்தியாவில் விற்பனைக்கு அறிமுகம் செய்யப்பட உள்ளது.

டிசைன் & டிஸ்பிளே

பாலிகார்பனேட் மற்றும் 6000 சீரிஸ் அலுமினிய சட்டம் கொண்டு வடிவமைக்கப்பட்டுள்ள இந்த கருவியில் காப்பர் பிளாக், ப்ரீயட் பிளாக் மற்றும் ப்ரியட் வெள்ளை ஆகிய மூன்று நிறங்களை கொண்டுள்ளது.

5 அங்குல ஹெச்டி (720x1280px) LTPS திரையை பெற்றுள்ள நோக்கியா 2 மொபைல் போனில் கார்னிங் கொரில்லா கிளாஸ் 3 பாதுகாப்பு அம்சத்துடன் வந்துள்ளது.

பிராசெஸர் & ரேம்

ஆண்ட்ராய்டு 7.1.1 நௌகட் இயங்குதளத்தை கொண்டு இயக்கப்படுகின்ற நோக்கியா 2 போனில் 1.2GHz பிராசெஸருடன் கூடிய குவால்காம் ஸ்னாப்டிராகன் 212 SoC சிப்செட் உடன் 1ஜிபி ரேம் உடன் 8ஜிபி உள்ளடக்க சேமிப்பை பெற்றிருப்பதுடன் மைக்ரோ எஸ்டி அட்டை  கொண்டு 128GB வரை சேமிப்பை அதிகரிக்கலாம்.

கேமராதுறை

கேமரா துறையில் தொடக்கநிலை சந்தைக்கு ஏற்ற அம்சங்களை பெற்ற இந்த போனில் ஆட்டோஃபோகஸ் உடன் எல்இடி ஃபிளாஷ் பெற்ற 8 மெகாபிக்சல் சென்சார் கொண்டிருப்பதுடன், முன்புறத்தில் செல்பி மற்றும் வீடியோ அழைப்புகளை எதிர்கொள்ள 5 மெகாபிக்சல் சென்சார் இணைக்கப்பட்டுள்ளது.

பேட்டரி

இரண்டு நாட்கள் வரை தாக்குப்பிடிக்கும் திறன் பெற்ற 4100mAh பேட்டரியை மூலம் நோக்கியா 2 ஸ்மார்ட்போன் இயக்கப்படுகின்றது.

மற்றவை

இந்த ஸ்மார்ட்போனில் கூடுதல் விருப்பங்களாக 4G வோல்ட்இ, Wi-Fi 802.11 b/g/n,ப்ளூடூத் v4.1, GPS/ A-GPS, பண்பலை ரேடியோ, மைக்ரோ-யூஎஸ்பி, மற்றும் 3.5mm ஆடியோ ஜாக் ஆகியவற்றை பெற்றுள்ளது.

விலை

ஐரோப்பா சந்தையில் €99 என்ற விலையில் வெளியிடப்பட்டுள்ள நோக்கியா 2 ஸ்மார்ட்போன் இந்திய விலை ரூ.7000 என எதிர்பார்க்கப்படுகின்றது.இந்த மாத மத்தியில் விற்பனைக்கு கிடைக்கப் பெறலாம்.

Comments

comments